أمل كداب

على طريق سفر ماشيين عالسريع
الطريق كان هادي في حتت و حتت تانيه فظيع
ماشيين جوا السنين..تايهين
راكبين عربيات الحنين
في شوارع وحارات كلها انين
وسط الحارات لمحت حاجه غريبه
في عده ثواني بس كانت عجيبه
واحد ماشي وسط الطريق
شكله مجنون بس بريء
هدومه مقطعه و مش مركز
ماشي عدل و عالهوا بيتعكز
عدينا عشان كنا بسرعه
فضلت باصص عليه
ملقتوش ..
يمكن شاور و مشفتوش
او نادى و مسمعتوش
او سراب و ملحقتوش